MOS Burger (已結業)

终于都有机会嚟试一试呢款日本burger，今次去咗朗豪坊呢间，去到唔系咁多人，几易就揾到两个位，我地两个叫咗两个set, 1个包+1包fries+1杯饮品1. MOS cheese burger - 面包好厚但够松够软，好大块嘅肉茄，不过最奇系下面块面包竟然搽上日式咖喱酱汁，感觉古怪，同埋块汉堡牛肉唔够juicy，不过当然比麦当当嘅好啦。招牌货，算系咁啦.....收货。2. Fresh burger - 用沙律酱，类似Big Mac，只系多咗生菜丝，我谂用一块块嘅生菜，口感会好好多，不过可能一分钱一分货。3. French Fries - 炸得啱啱好，盐份少少，啱啱够味。Comments: 服务几好，落完order，有服务员拎嘢食比你。但系讲到hamburger，始终都系美加嘅出品好好多。或者喺香港，我想食hamburger暂时唯有去返Triple O's or Archie B's。