德興酒家 (已結業)

好来都无同妈咪食饭，今日两个人去咗德兴食火锅，８点几去到，同知客讲话订咗两个人，９点钟，想提早食，佢话j无㖞，我话我打过两次来确定过既㖞，佢话真系无㖞，后来，佢都好好人，话一有二人位埋单就会俾我地．在等待期间，见到有部机入面装咗ｄ竹蔗水，旁边都有ｄ纸杯，供等位既人饮用，都几好，唔知一向都有，还是现在先有，因为我之前食过两、三次都唔见，不过每次都系去食宵夜既。大约等咗廿十分钟都就有位，都好快，入到去见到好多人都叫咗猪骨煲，好开呀，好似有胡椒既味道，可惜我地两个人食唔晒，而且又要叫其他野食，等下次多ｄ人先叫依个煲．所以今次清清地叫咗煲芫皮西蛋汤(不用加钱)，其实德兴有好多汤底选择，之前食过苹果无花果雪耳汤底，真系唔错．有一次加３８元要一个醉鸡窝，不过就马马地，无咩酒味，宁愿加钱要猪骨煲。我地两个都好食得，叫咗好多野，其实火锅，来来去去都系果ｄ，不过德兴既肥牛都几好，唔会只系得肥膏，都有牛肉既味道，而且火锅料都几好新鲜。当中最爱的是：肥牛、牛展、鱼皮饺、花胶仔、花枝片、粟米、taro、鲜腐竹。我觉得依度既汤底好够味道，讲真唔使加酱料仲好食，只是鼓油就已经足够，加太多其他既酱料，反而盖过咗原有