田記魚蛋牛腩專門店 (塘尾道)

营业中

休息中

话说几星期前，试过田记D崩沙牛腩捞面，发觉牛腩有些干和柴，捞面又枧水味偏重，碟腩汁菜又唔新鲜有渣，今日午饭决定再去试下，睇下观感有冇改变。听老板女话叫了个鱼蛋米$30、崩沙腩河粉$50，一碟芥兰$15，两杯冻饮(跟餐共$14)。鱼蛋米汤底清甜，大地鱼味重，劲多䓤，鱼蛋鱼片各三粒，正如餐牌上说，用新鲜鱼打，不醎却吃出淡淡鱼鲜味👍👍，清清地，唔错。崩沙腩河粉，劲多汤，个碗舖满崩沙腩，件件肥美，腩汤超正，有牛香又甘甜，田记都均均真真的，件件是崩沙腩没有沟杂其他部位，扺赞！今次崩沙腩不柴，很juicy，浸在牛汤中，入口淋滑👍👍👍碟芥兰比上次碟菜芯好得多，没有渣，算新鲜。今日再试田记，他的鱼蛋和崩沙腩确实出色和抵食，不得不俾番个好评😋佢。