影片
更多
2012-03-30
339 浏览
1月5日, 124周月快乐!每年一到冬天我地就好想揾一日去食下煲仔饭暖下胃~ 不过等到今年冬天快完我地都未有机会食, 所以决定今晚食个美味煲仔饭作为我地周月庆祝大餐~ 算得上经典嘅炭炉煲仔饭喺香港真系唔多, 今次俾我地拣中嘅系渣华道街市嘅新翠华~::: 面豉酱唐生菜 ::: $42因为知道即叫即制嘅煲仔饭需时最少都要30分钟, 就先叫个菜嚟陪我地渡过漫长嘅等食时间~ 呢个生菜面豉就有几粒, 但系酱就唔系好睇得出, 仲要成个碟底都系油, 真系油菜…其实咁多油味道一定香, 不过面豉味就欠奉~ 算啦都系俾我地摄下时间啫, 除咗碟野唔值呢个价钱都冇野好讲…::: 田鸡润肠饭 ::: $55见佢一枱一枱咁出d煲仔饭, 等到口水都流晒, 几时先到我地? 应该等咗有40分钟, 终于轮到我地, 一上枱仲未可以即刻食, 先淋上煲仔饭豉油, 再焗多5分钟, 等d饭充分吸收晒d豉油, 先开盖~ 哗一阵浓烟即时飘出嚟, 香气扑鼻, 热辣辣嘅饭同料, 立即食指大动! 炭炉煲嘅真系唔同d, 有一阵嘅炭㶶味, 好似以前喺乡下食饭𠮶d味道. 好少可食田鸡, 难得食煲仔饭梗系叫! 份量都ok, 味道唔错, 有阵时田鸡
每年一到冬天我地就好想揾一日去食下煲仔饭暖下胃~ 不过等到今年冬天快完我地都未有机会食, 所以决定今晚食个美味煲仔饭作为我地周月庆祝大餐~ 算得上经典嘅炭炉煲仔饭喺香港真系唔多, 今次俾我地拣中嘅系渣华道街市嘅新翠华~
::: 面豉酱唐生菜 ::: $42
因为知道即叫即制嘅煲仔饭需时最少都要30分钟, 就先叫个菜嚟陪我地渡过漫长嘅等食时间~ 呢个生菜面豉就有几粒, 但系酱就唔系好睇得出, 仲要成个碟底都系油, 真系油菜…其实咁多油味道一定香, 不过面豉味就欠奉~ 算啦都系俾我地摄下时间啫, 除咗碟野唔值呢个价钱都冇野好讲…
::: 田鸡润肠饭 ::: $55
见佢一枱一枱咁出d煲仔饭, 等到口水都流晒, 几时先到我地? 应该等咗有40分钟, 终于轮到我地, 一上枱仲未可以即刻食, 先淋上煲仔饭豉油, 再焗多5分钟, 等d饭充分吸收晒d豉油, 先开盖~ 哗一阵浓烟即时飘出嚟, 香气扑鼻, 热辣辣嘅饭同料, 立即食指大动! 炭炉煲嘅真系唔同d, 有一阵嘅炭㶶味, 好似以前喺乡下食饭𠮶d味道. 好少可食田鸡, 难得食煲仔饭梗系叫! 份量都ok, 味道唔错, 有阵时田鸡内脏洗唔清会有d腥味, 但呢个无, 唔错~ 润肠偏肥, 但润味都香~ 当然唔会要求佢会俾靓润肠, 都系为求衬番个煲仔饭~ 饭就真系冇得比, 超好味, 混入豉油嘅饭好香, 好鲜甜, 厚厚嘅饭焦脆卜卜, 真系好耐冇食过, 感觉良好~
::: 荔茸肉碎饭 ::: $55
呢个饭感觉比田鸡润肠饭更加好味, 可能系因为d材料大多都好碎, 可以吸收更多豉油嘅精华, 特别系𠮶d肉碎, 混入咗冬菇粒又煮得入味~ 捞埋个饭食简直一流! 两球好似雪糕咁嘅荔茸亦都焗到好香, 质地软绵绵又够滑, 芋头味亦都好够, 同肉碎好夹~ 好好味!
嚟得呢度其实只系为咗食煲仔饭, 其他菜就唔建议叫. 但系要等咁耐先有得食, 最好都系未系咁饿嘅时间嚟, 坐到饿就有得食喇~
张贴
