Penthouse (已結業)

餐厅位于铜锣湾登龙街，旺中带静，最啱喺附近行完街后，黎享受一下。我同朋友大约晚上六点就到达餐厅，由于晚餐高峰时间未到，所以当时得两枱客人，整体环境更宁静舒适。我哋点餐后，待应就好快手主动呈上一客法包，外表脆脆，内里松软，而且仲微热添，够晒新鲜，配埋香草酱一齐食，口感及味道都唔错。姊妹谈心，又点可以少得饮品呢！好姐妹叫咗一杯热情果Cocktail，而我因为唔饮得酒，所以叫咗一杯士多啤梨奶昔。两杯饮品嘅卖相都非常吸引，睇到已经心花怒放。好姐妹更表示，Cocktail带少少酸甜味，酒味唔会太重，啱晒女仔饮添！另外，因为我哋两个都唔大食，所以我哋只系叫咗一份NYC Chopped Salad 及 Lobster Risotto。先讲沙律，份量真系好大碟，内里有新鲜生菜、蕃茄、牛油果、大虾同芝士等，配埋橄榄油及意大利香草酱，口感清新，绝对系前菜嘅好选择。食完前菜，到主角龙虾出场，足料两只龙虾得我哋两个人食，每人食一只有啲太过份呢，哈哈！我想讲，龙虾肉真系好爽口又弹牙，全完保留鲜味；至于Risotto，由于系用薯仔及面粉搓成(侍应讲俾我哋知)，所以特别烟烟韧韧，Risotto吸收晒海鲜浓汤嘅味道，