意粉屋 (已結業)

5月1日出了荃湾广场食生日饭，初初谂住食素，但订左位都要等，门囗仲企满人，等左一阵放弃左，就去左隔离的意粉屋食，完全唔使等位，一去到就可以安排，我地坐系最入位置，地方都几大，不过于回曲折了少少！我地四人叫左一客法式田螺焗薯蓉，烟肉肠仔意粉，两客酥皮海皇汤，意式焗猪扒饭，烟三文鱼pizza(薄批)！！田螺好味，有数粒，薯蓉好滑好香，份量都不算少，还有三片蒜蓉包，但是好干好硬，失色烟肉肠仔意粉都有好多配料，上面有一些烟肉碎，好香，肠仔一少片的，好入味！唔会过咸，味道配撘适中，意粉爽口唔系过熟的，good!酥皮海皇汤个汤好多料架，有虾，鱼，蚬肉，浓度刚刚好，没有过结或过稀情况，好味！酥皮浸在汤入面仲正及入味！烟三文鱼pizza好多三文鱼呀!同埋蟹子，唔会腥，个pizza好薄好脆，好有口感，好正！意式焗猪扒饭都好大份，猪扒有五至六件，炒饭底，猪扒好淋好好食，但又唔系淋到冇晒肉味㖞！！食到好饱好满足，服务都好好，不停加水给我们！