哥利亞餐廳

营业中

休息中

呢间嘢以前会去食下lunch,个老板娘自以为好亲切，其实好唠叨。唔系佢d白汁鱼柳不错也不会帮衬。怎料过年前有一晩去食dinner,这老板娘竟然变本加厉，可能因为维园年宵多客，佢竟然在店内有四张空枱情况下（其实佢店只有少于十张枱），赶走入内的客人，好不耐烦地说：唔好催我，出去等，我地唔系快餐，要十五至二十分钟。在内的客也不好受。佢非常神经质咁不断问客争乜（其实得五六枱客），又唔俾人初落单时叫埋嘢饮，我地食哂嘢佢先俾嘢饮，等左三十分钟。最可笑是本来佢对住其他客，话水吧佢一人搞掂不用等，我地催时佢竟话煲奶茶个炉坏咗系要等！其中一枱客，有碟焗饭放到佢枱，人地已放咗叉想食，佢竟然一个唔该拎走，个客大怒，佢的解释：我怕送错！五六枱客啫，不断问人争乜（问的声浪，频率达骚扰程度），不断要人等，冇送错又拎走人地碟嘢。另一讨厌位是不断自言自语，连冇播音乐也高声解释是因太忙（其实冇人问冇人关心）。食完见附近食店也把枱櫈放埋出街座无虚席，心谂呢间嘢简直自取灭亡。公然赶走客人。