影片
更多
2019-08-22
124 浏览
话时话喺尖沙咀想揾间车仔面的确唔容易，望穿秋水终于有一间似样嘅车仔面店，呢间食店之前喺元朗已经起晒朵，好多食客特登入去，就算要排队也在所不计，师傅我当然冇咁神心啦，所以呢间食店开到出尖沙咀，才有机会试下佢。其实师傅前前后后到嚟过几次，感觉都唔错，所以如果一支公又喺尖沙咀又想食车仔面的话，呢间食店绝对系唯一选择。既然呢期讲紧车仔面，咁又点少得呢间食店呢? 好，趁师傅今日得闲，走入去食个下午茶。呢间食店嘅形式系要自己捧餐，行入去就排队落单，想食乜就同个收银姐姐讲，讲完畀钱攞飞，跟住就去排队攞嘢食 ，过程同老麦𠮶啲冇乜分别，不过佢𠮶个秩序都算几好 ，加上下午茶时段，冇乜人，所以师傅一行到入去唔使排队，直接去到个收银姐姐面前，收银姐姐好有礼貌，师傅行埋去佢就即刻问拣乜嘢面底 ，左谂右谂最后拣左油面， 之后拣咗四个𩠌分别系猪红，猪皮，猪肠同牛柏叶，配上中辣，落完单畀完钱，攞张飞行去等攞食物。等咗唔使好耐一碗热辣辣嘅车仔面就放咗喺枱面，之后师傅当然要自己攞返埋个位度，冇招呼架坐低就开餐。一如以往先试下个汤底，汤底味道香甜，浓浓的，吸引，再加上中辣，汤底变得更惹味，不错，佢个辣汁真系辣，师傅都未有胆
其实师傅前前后后到嚟过几次，感觉都唔错，所以如果一支公又喺尖沙咀又想食车仔面的话，呢间食店绝对系唯一选择。既然呢期讲紧车仔面，咁又点少得呢间食店呢? 好，趁师傅今日得闲，走入去食个下午茶。
呢间食店嘅形式系要自己捧餐，行入去就排队落单，想食乜就同个收银姐姐讲，讲完畀钱攞飞，跟住就去排队攞嘢食 ，过程同老麦𠮶啲冇乜分别，不过佢𠮶个秩序都算几好 ，加上下午茶时段，冇乜人，所以师傅一行到入去唔使排队，直接去到个收银姐姐面前，收银姐姐好有礼貌，师傅行埋去佢就即刻问拣乜嘢面底 ，左谂右谂最后拣左油面， 之后拣咗四个𩠌分别系猪红，猪皮，猪肠同牛柏叶，配上中辣，落完单畀完钱，攞张飞行去等攞食物。
等咗唔使好耐一碗热辣辣嘅车仔面就放咗喺枱面，之后师傅当然要自己攞返埋个位度，冇招呼架坐低就开餐。一如以往先试下个汤底，汤底味道香甜，浓浓的，吸引，再加上中辣，汤底变得更惹味，不错，佢个辣汁真系辣，师傅都未有胆量挑战大辣🙈。再嚟试下个猪红，猪红一粒粒，细细的，入口烟烟韧韧，而且卤得入味，有咬口之余又唔会碎湿湿，一口一粒非常好味，绝对系必食推介。
再试下猪皮，猪皮就比较曳， 入口唔算爽口，但又未算好腍，属于𠮶种半爽多腍嘅状态，口感普通，唯一可取就系炆得好入味，所以块块猪皮都好多汁 ，味道可以但口感，普通。再试猪肠，猪肠本身几肥几厚身，系师傅钟意𠮶种，肥肥哋咁样入口先至正，加上蚊得几腍，有咬口之余又唔会太硬太韧，非常好，绝对另一个必食推介。至于牛柏叶又系一个败笔之作，真系唔知系本身个牛柏叶差定系佢煮得差，感觉系好想将个牛柏叶煮到好爽口，但入口感觉就系硬，根本上谈不上爽口，师傅唔知系本身个质地系咁定系佢煮得曳，基本上牛柏叶系可以不吃。
最后当然要讲一讲个油面，老老实实师傅其实好少食油面，系今日心血来潮先试试佢，油面本身真系几油咁，但唔系油腻𠮶只，滑滑的，爽囗弹牙，面非常香，好好味，应该好味过幼面或者米粉，所以呢个油面系掂。
总括嚟讲车仔面喺呢区真系难得揾到一间半间，而且都算系好味，呢间食店整体系不俗，价钱亦合理，49蚊四𩠌一面，环境干干净净，舒舒服服，所以一定会再黎。值得一提碗面系会放两条菜心，啱晒师傅呢啲成日觉得食菜系唔扺食嘅人，笑脸可以俾啦。
2 浏览
0 赞好
0 留言
张贴
