影片
更多
2019-08-20
1199 浏览
师傅之前讲过黎紧会写一系列关于车仔面嘅食评，所以继续去揾车仔面黎食。位于鲗鱼涌太古中间，车仔面嘅食店真系冇乜几多间，有得食都要偷笑啦! 由于冇乜得选择，师傅只好黎呢间食店，食个车仔面午餐。入到去，放饭时间都几多人，师傅一条冷当然好易揾位，坐底后二话不说就攞起张纸同支笔，好似答紧MC咁系咁划😂。师傅一口气划左猪红，猪皮，猪肠，牛筋腩，沙爹牛肉同腐皮卷，粉丝做面底，配上辣汁同腩汁，六个𩠌，再拣左杯豆浆。说时迟那时快，车仔面就放左喺师傅面前。个侍应姐姐系咁话师傅要六个𩠌，偏偏黎到得五个𩠌，咩玩法先? 左睇右睇先发现少左一个腐皮卷，同个姐姐讲左两次才还师傅一份腐皮卷，真系搞笑。一如以往，师傅第一啖当然是试下个汤底，汤底味道普通，唔香唔辣，沙爹味，牛腩味，辣味，样样味有少少，但就系唔算好味，到底系食店问题定师傅问题呢? 再试下猪红，猪红四四方方细细粒，味道就卤得一盘，入口唔滑亦冇烟烟韧韧嘅口感，一夹就碎，都几普通下。猪皮正常嘥屎，入口零爽口加上劲腍，超冇瘾，失败。至于猪肠就炆得唔腍，有渣，系几厚身但算韧，唔掂。反而个牛筋腩又几好，牛筋比牛腩好，牛筋够腍够胶，入味，牛腩就干身同鞋口少少，牛筋间接提
由于冇乜得选择，师傅只好黎呢间食店，食个车仔面午餐。入到去，放饭时间都几多人，师傅一条冷当然好易揾位，坐底后二话不说就攞起张纸同支笔，好似答紧MC咁系咁划😂。
师傅一口气划左猪红，猪皮，猪肠，牛筋腩，沙爹牛肉同腐皮卷，粉丝做面底，配上辣汁同腩汁，六个𩠌，再拣左杯豆浆。
说时迟那时快，车仔面就放左喺师傅面前。个侍应姐姐系咁话师傅要六个𩠌，偏偏黎到得五个𩠌，咩玩法先? 左睇右睇先发现少左一个腐皮卷，同个姐姐讲左两次才还师傅一份腐皮卷，真系搞笑。
一如以往，师傅第一啖当然是试下个汤底，汤底味道普通，唔香唔辣，沙爹味，牛腩味，辣味，样样味有少少，但就系唔算好味，到底系食店问题定师傅问题呢? 再试下猪红，猪红四四方方细细粒，味道就卤得一盘，入口唔滑亦冇烟烟韧韧嘅口感，一夹就碎，都几普通下。
猪皮正常嘥屎，入口零爽口加上劲腍，超冇瘾，失败。至于猪肠就炆得唔腍，有渣，系几厚身但算韧，唔掂。反而个牛筋腩又几好，牛筋比牛腩好，牛筋够腍够胶，入味，牛腩就干身同鞋口少少，牛筋间接提高返师傅少少食欲。
沙爹牛肉就正正常常，就系沙爹牛肉啰，冇特别。另一败笔就系腐皮卷，话佢系腐皮卷倒不如话佢系鱼肉卷好过，味道唔得，腥腥地，真系千万唔好试。至于个粉丝都冇特别，系胜在多，份量撘够。最后杯豆浆都几好味。
总括嚟讲车仔面水准绝不合格，环境普通，唔算干净舒服，埋单50蚊，50蚊有六个𩠌送埋豆浆，只要冇乜要求，都算扺食嘅。笑脸肯定比唔到，唔喊都系因为扺食撘够，再黎机会不大。相比从前，好似仲差左。
豆浆
13 浏览
0 赞好
0 留言
腐皮卷
35 浏览
0 赞好
0 留言
张贴
