影片
更多
2019-08-25
741 浏览
讲开食车仔面又点少得呢一间食店? 呢间食店根本上由师傅细细个食到而家，真系食咗几十年，睇住佢嘅变化都唔少。最近都有一段好长时间冇嚟食过，既然写得车仔面食评，当然唔少得佢啦，趁著今日下昼有少少肚饿，就嚟食个下午茶 ，顺便认真品评下佢嘅质素。由于系下午茶时间，五点钟左右，所以人唔多，行入去就可以即刻柯圢，对住个哥仔，先拣面底，师传是日就拣咗两个幼面，等佢煮完之后，佢就会攞个碗个隔比食客拣𩠌，师傅一口气就嗌咗几款𩠌，分别系 猪红，猪皮，猪肠，萝卜，牛筋五个𩠌，拣完比埋钱就可以攞碗面返去，面壁思过食碗面。一如以往，师傅先试下佢个汤底，坦白讲汤底并非什么出色嘅嘢，但系硬系觉得佢个腩汁好好味好吸引，所以次次食嘅时候都会饮多几啖。之后再食下佢个猪红，呢度嘅猪红系比坊间嘅车仔面更为特别，最重要嘅其中之一个因素，就系佢唔系一粒粒，而系一份份咁，好似啲豆腐一份份咁，薄薄嘅大大份长方形咁，样望落去系几吸引，入口发觉猪红好滑身，但系可惜系冇乜味道，即系个卤得唔够入味，通常师傅都会加少少辣酱黎食，猪红除咗滑之外，就冇其他特别嘅野，所以呢度嘅猪红系会有滑溜溜嘅口感，有种好似食紧豆腐嘅感觉，咁多年嚟唯一冇变嘅相信就
由于系下午茶时间，五点钟左右，所以人唔多，行入去就可以即刻柯圢，对住个哥仔，先拣面底，师传是日就拣咗两个幼面，等佢煮完之后，佢就会攞个碗个隔比食客拣𩠌，师傅一口气就嗌咗几款𩠌，分别系 猪红，猪皮，猪肠，萝卜，牛筋五个𩠌，拣完比埋钱就可以攞碗面返去，面壁思过食碗面。
一如以往，师傅先试下佢个汤底，坦白讲汤底并非什么出色嘅嘢，但系硬系觉得佢个腩汁好好味好吸引，所以次次食嘅时候都会饮多几啖。之后再食下佢个猪红，呢度嘅猪红系比坊间嘅车仔面更为特别，最重要嘅其中之一个因素，就系佢唔系一粒粒，而系一份份咁，好似啲豆腐一份份咁，薄薄嘅大大份长方形咁，样望落去系几吸引，入口发觉猪红好滑身，但系可惜系冇乜味道，即系个卤得唔够入味，通常师傅都会加少少辣酱黎食，猪红除咗滑之外，就冇其他特别嘅野，所以呢度嘅猪红系会有滑溜溜嘅口感，有种好似食紧豆腐嘅感觉，咁多年嚟唯一冇变嘅相信就系呢一样嘢。
之后再试下个猪皮，猪皮本身个嘥屎唔算好大份，量都唔算好多，入口发觉有的几爽，但大部分都腍，个品质都几参差，食咗咁多年讲真好似越做越曳，失败。再嚟讲下个萝卜，萝卜唔算好大旧，但系啱啱好可以每次摆得晒一旧系个口，佢就卤得好入味，萝卜本身白色，但上碗时已系深色的，萝卜本身好甜，但可惜有渣，呢下真系完全接受唔到，师傅好日唔食萝卜，一食就有渣，真系令师傅非常失望。
再讲下个牛筋，牛筋又冇乜特别，唯一可取就系好腍，但唔够胶，如果再胶少少就正。最后猪肠，猪肠亦都系呢一间食店，师傅其中最欣赏嘅一款食物，猪肠肥瘦适中，炆得好腍，入口佢系有一种好特别嘅香味，系令个大肠特别好味，所以师傅好喜，暂时亦系唯一款保持得到嘅食物。
最后讲下个幼面，幼面煮得正正常常，普普通通又唔会太腍，但唔会太爽口，面香味完全冇，唔会令到你有继续食嘅冲动，讲真个面其实都算几失败。
总括嚟讲食物质素普通，但师傅作为食咗咁多年嘅食客，就觉得个佢水准不断下降，越来越走样，价钱亦唔算话好平，五个𩠌两个面，埋单54蚊 。似乎同区有更多选择，环境唔会特别干净，亦都唔会特别舒服，面壁思过已经成为一种习惯，最啱一条冷又唔想同人搭嘅人。
谂番以前师傅喺呢度食车仔面嘅时候，系有好多𩠌可以选择，味道更好，净系单单讲个面底已经出色过今时今日，呢种面底已经唔系以前嘅来货，师傅深信系入唔返呢一种货，甚至乎可能已经失传 。以前个面底又香又好食，非一般生面，总言之系一只好好食嘅面饼。以前有嘅𩠌例如有牛肚，炸豆腐等，而家已经冇，最多得返豆卜，所以感觉食店越做越少嘢食，亦都觉得佢地越做越冇以前咁出色，老实讲同区真系有太多选择，再嚟呢度全因为情意结呢三个字，笑面真系比唔到喇!
张贴
