影片
更多
2019-09-18
419 浏览
早几日师传一支公喺老铜，谂紧食乜好之际，忽然醒起呢度有间车仔面，都算历史悠久。从前师傅都黎唔少次，系近期少左，可能少左喺呢区，又可能因为附近开多左间车仔面啦，而师傅对呢间食点印像一向都系普普通通，不过既然写得车仔面又点少得佢呢?入到食店，人又唔多，唔知关唔关呢期少游客呢? 不过师傅一于少理，入到去坐低，就攞张纸出黎埋头苦干咁划。于是一口气划左六个𩠌，先叫米粉，𩠌就拣左辣猪红，辣猪皮 ，猪肠，牛筋，牛柏叶同埋墨鱼卷，配上腩汁同埋中辣，跟住就将张单交左比伙计。等左唔使好耐就有得食，呢间食店向来出位嘅都系个辣汁，所以如果唔食辣，其实真系倒不如唔好黎，所以先试汤底，汤底香香浓浓，味道不俗，再捞埋佢个辣酱汁，简直系非常惹味，中辣都真系有一定辣度，唔系讲玩笑嘅。再试下个辣猪红，点解叫做辣猪红，因为佢真系用辣汁卤猪红，坦白讲坊间有猪红嘅食店都唔少，但系讲到明自己系辣嘅，呢间应该系其中一间。猪红本身都几滑口，一粒粒的猪红，入口都算舒服，唔会一夹就散，加上辣口几鬼惹味，所以次次师傅黎都会食呢个辣猪红。至于辣猪皮都系同一道理，坊间真系好少有地方会整辣猪皮，虽然佢嘅辣猪皮煮得唔爽，系腍口，但系唯一欣赏佢嘅地
入到食店，人又唔多，唔知关唔关呢期少游客呢? 不过师傅一于少理，入到去坐低，就攞张纸出黎埋头苦干咁划。于是一口气划左六个𩠌，先叫米粉，𩠌就拣左辣猪红，辣猪皮 ，猪肠，牛筋，牛柏叶同埋墨鱼卷，配上腩汁同埋中辣，跟住就将张单交左比伙计。
等左唔使好耐就有得食，呢间食店向来出位嘅都系个辣汁，所以如果唔食辣，其实真系倒不如唔好黎，所以先试汤底，汤底香香浓浓，味道不俗，再捞埋佢个辣酱汁，简直系非常惹味，中辣都真系有一定辣度，唔系讲玩笑嘅。
再试下个辣猪红，点解叫做辣猪红，因为佢真系用辣汁卤猪红，坦白讲坊间有猪红嘅食店都唔少，但系讲到明自己系辣嘅，呢间应该系其中一间。猪红本身都几滑口，一粒粒的猪红，入口都算舒服，唔会一夹就散，加上辣口几鬼惹味，所以次次师傅黎都会食呢个辣猪红。至于辣猪皮都系同一道理，坊间真系好少有地方会整辣猪皮，虽然佢嘅辣猪皮煮得唔爽，系腍口，但系唯一欣赏佢嘅地方系猪皮卤得够耐，索晒啲辣汁，所以入口系非常香辣惹味，呢个师傅都会畀多少少分，可以啦。
至于猪肠就真系炆得几腍，不过口感就好曳，入口感觉系有渣，普通，基本上可以不食。至于牛栢叶份量都唔少，灼得几爽口，加埋呢个辣汁一齐食，都真系可以，不俗。之后就到牛筋，牛筋炆得好腍，入口松软加上黏𠮶种口感，非常好。最后系墨鱼卷，呢个就比较败笔，一条墨鱼卷好地地，比佢切到好薄，咁样分分钟仲薄过炸鱼片，加上口感普通，唯一可取系墨鱼几香，但再食机会不大。米粉没有特别，正正常常。
总括黎讲食物质素亦都算中规中矩，辣猪红同辣猪皮真系值得一试，因为坊间唔系好多地方有，环境正常唔会话超干净，亦都唔算话好污糟，价钱都唔算话好相宜，十蚊一个𩠌 ，六𩠌一面埋单70蚊，加多支汽水80蚊走人，抵食度唔见得，不过唯一可取系佢嘅辣真系几辣同惹味，如果钟意食辣嘢又咁啱又想食车仔面的话，呢间都系不错嘅选择。
五个𩠌师傅又唔多够，七个𩠌又多过头，除非碗面系超级大碗，否则师傅通常都系食六个𩠌一面。曾经有人同师傅诉说，叫师傅多写食评，如果有时间，师傅当然会满足所求啦。是次笑脸可以比，系因为辣猪红同辣猪皮，但再黎就要睇缘份。
9 浏览
0 赞好
0 留言
张贴
