影片
更多
2019-05-04
1256 浏览
次次食亲斋几乎都系因为要就一个茹素o既朋友，但turn out 次次都几好食，好几间新式斋铺都已被我mark 在recommended list。今日约o左另一个对素食都算有d 研究o既朋友，o岩晒，等我带你食好o野啦！位于铜锣湾心脏地带o既商厦楼上铺，餐厅设计偏向西式。晚市叫套餐有6 个course，其实都抵食，不过我地惊叫两个食唔晒，所以叫o左一个only，然后再加d 𩠌咁，实行食几多，嗌几多，唔做大悭鬼。晚餐o既前菜系一个香桩拌翡翠、红菜头苹果香橙伴合桃同泰式鲜果沙律o既三款组合。翡翠应该即系莴笋o个类，食落无渣，连同红菜头、合桃呢d 都系健康食材，配上新鲜生果一齐食酸酸甜甜令人开胃，食多d 都无坏。另一个都算系前菜o既手卷，我地拣o左个香芒牛油果苜蓿芽手卷。以呢只芽菜代替饭，咬落去非常爽口，佢本身无乜味，但夹埋入口即溶o既牛油果同埋芒果则刚好。餐汤拣o左盅姬松茸椰子黄耳竹笙炖汤，个汤浓稠得o黎略为起胶，闻落十分之香，好重松茸o既气息。细细o既一盅有住多多汤渣，可见真材实料！主菜蓝带猴菇扒墨西哥菇酱汉堡配红菜头乳酪沙律及甜薯条(跟餐$258 未加一)，佢模仿肉类o个part 尤其
位于铜锣湾心脏地带o既商厦楼上铺，餐厅设计偏向西式。晚市叫套餐有6 个course，其实都抵食，不过我地惊叫两个食唔晒，所以叫o左一个only，然后再加d 𩠌咁，实行食几多，嗌几多，唔做大悭鬼。
晚餐o既前菜系一个香桩拌翡翠、红菜头苹果香橙伴合桃同泰式鲜果沙律o既三款组合。翡翠应该即系莴笋o个类，食落无渣，连同红菜头、合桃呢d 都系健康食材，配上新鲜生果一齐食酸酸甜甜令人开胃，食多d 都无坏。
另一个都算系前菜o既手卷，我地拣o左个香芒牛油果苜蓿芽手卷。以呢只芽菜代替饭，咬落去非常爽口，佢本身无乜味，但夹埋入口即溶o既牛油果同埋芒果则刚好。餐汤拣o左盅姬松茸椰子黄耳竹笙炖汤，个汤浓稠得o黎略为起胶，闻落十分之香，好重松茸o既气息。细细o既一盅有住多多汤渣，可见真材实料！
姬松茸椰子黄耳竹笙炖汤
41 浏览
0 赞好
0 留言
主菜蓝带猴菇扒墨西哥菇酱汉堡配红菜头乳酪沙律及甜薯条(跟餐$258 未加一)，佢模仿肉类o个part 尤其特别，先将一片厚身猴头菇扒一开二，中间酿入芝士同一种样貌质感同火腿一模一样o既食材，再成旧拎去炸。红菜头头先食唔够而家仲有，而且沈上藜麦更为健康。
蓝带猴菇扒墨西哥菇酱汉堡配红菜头乳酪沙律及甜薯条 (跟餐$258 )
30 浏览
0 赞好
0 留言
朋友对那个日式竹炭手作薄饼($148) 好有兴趣，所以点o左个。系薄批o黎，饼底染上竹炭o既灰黑色，十分脆口。上面o既白汁芝士同菠萝令味道同一般pizza 大抵上相似，但馅料又用上大量露笋同日式紫菜，系个几新颖o既fusion 菜式。
日式竹炭手作薄饼 ($148)
39 浏览
0 赞好
0 留言
跟餐有一个甜品，嗌o左宇治抹茶红豆椰汁糕，有两小件，方便share。餐饮得一杯，朋友要o左杯咸柑桔蜜，另外一杯我自己单叫，试o左海底椰桂花雪梨茶($38)。天气忽冷忽热，大家都不约而同想叫d 滋润d o既。
海底椰桂花雪梨茶 ($38)
12 浏览
0 赞好
0 留言
张贴
