Lady M

营业中

休息中

第一次堂食Lady M既蛋糕，之前食过伯爵茶非常喜爱，不过有新野就梗系要试下。Wisky Dark Chocolate Mousse $68/pc呢个味道令我双眼发晒光，威士忌 x 黑朱古力，完美。蛋糕非常有层次，卖相靓，最底层系一堆朱古力脆脆，然后上一层系朱古力蛋糕，再上就口感实啲，带酒味，再夹住一小层威士忌啫喱，然后就朱古力慕丝同顶层，所有层数一齐食会好丰富，黑朱古力唔会死甜，浓郁，威士忌味道亦刚好，醇香。件蛋糕既威士忌味有掟企，而个黑朱古力味又好争气，每一口都要慢慢细味品尝，每一口都体验到极深幸福，每一口都体验到脆，松软，幼滑，浓厚，香醇，香气，慢慢系口腔入面巡回演出。虽然蛋糕价钱唔平，不过，间唔中食，等自己幸福下，当系慰劳下自己都系值得。