威記粥店 (已結業)

有时会系屋企附近买番份猪肠粉做早餐，都系大家食开果o的五蚊几条果类即食早餐啦！见早排有人系饮食讲场问开边档肠粉好食，威记成为推荐，当然要试一试啦！同平时食开果o的「现成」货式，哩度果o的真系几鬼薄皮，口感唔同，若果大家食惯平时有麻酱果o的，哩度就欠奉喇，只得甜酱同辣酱。同事话哩度o既萝卜糕、炸两好好味，如KC所言啦～士丹利街哩一行，见到其他几有「风味」大排档，仲留意到有档「水记」面档系侧边，等我得闲试下先，见佢写明「净卖炸鱼皮不卖」，相信「来头」都不弱o卦，眼见老板六点几收左舖，仲系到落料「牛」汤底，真系够哂认真～