娘娘喫茶 (已結業)

同朋友喺北角食完野，谂住行吓街点知见到内街入边，有呢一间几新净嘅铺头，又想饮下野，所以就同两个朋友一齐嚟试吓买呢间野啦！呢间饮品店主要买优质嘅茶，所以饮落去同出面嘅味道，更加浓郁同香。收银𠮶度仲有教究竟呢间铺个名头点样读添！我自己就嗌左呢一杯芝士碳培乌龙，佢上面嘅芝士份量好多，而且因为可能我嗌无糖，所以茶味饮落去，都比较香，而且亦都清淡。如果唔想饮得咁饱肚嘅朋友可以试吓呢一杯！而我朋友就嗌左啲一个娘娘招牌水果茶，入面嘅水果好多种类，包括有热情果、橙、西瓜等等。饮落去唔会好酸，亦都唔会好甜，味道啱啱好。饮完呢个之后，都好解腻。最后我有一个食极都唔肥嘅朋友，就嗌咗呢个非常之邪恶嘅Oreo芝士奶茶！我朋友点左全糖，加埋啲芝士同Oreo真系好邪恶。奶茶系属于甜甜地𠮶种，而且个奶味都好重，所以配埋啲芝士成个味道好浓郁。