韓舍 (已結業)

韩舍点解可以咁好食同埋咁好玩㗎? 简直大人同细路都非常开心同满足，大家圣诞真系要嚟呢到食一食、玩一玩、仲可以涮一涮!一埋位见佢个炉好得意，四边有一条坑，分别可放四样味道嘅嘢喺度，店员好细心咁介绍……一边系猪骨汤，一边系泡菜汤，一边系粟米芝士酱，再另一边系水蛋! 你可当佢哋系汤或酱咁点食物，好特别。 其中，韩式泡菜汤系好百搭，点所有肉类都好好味，而芝士酱呢就用嚟点牛肉, 可以增加美味程度😋！炉中间位置就系一个平板用黎烤肉，店员们都非常细心，经常换𠮶张烧烤纸，等食物唔会咁易烧浓!呢到食物种类真系好多，无论生、熟、烧、轻怡嘅同甜品，样样有齐，肉有鸡、羊、牛，每款都用唔同腌料，味道亦唔会浓到食唔出啲肉味 。食肉多，餐厅亦都有好多蔬菜可选择，有菇类、青椒生菜、南瓜、茄子等等……熟食方面，竟然有猪脚姜同水煮鱼😍，真系不得不赞，我好相信一大班人黎个个都可以拣到自己心爱既食物。甜品方面，有十几款畀你拣，每一样都系mouth size, 所以大家可以试好多口味而又唔会话令到你好饱，更加唔会浪费食物。另外，沙律都有唔同嘅选择，你可以自己去配，佢又有整定嘅薯仔沙律，我食咗呢个薯仔沙律，味道整得好好!如果你同