影片
更多
2022-11-10
1503 浏览
食物ok，性价比一般，但餐厅嘅营销手法就有少少古惑。因为近美利酒店，上个月系红棉包房搞咗场四十几人嘅婚礼宴会，因为宾客主要都系年长嘅亲戚，所以事前无订任饮package(人头$188)。由于当日比较忙，我迟咗30分钟落到去，而宾客们都已经就座，去到嘅时候已经见到红棉摆咗劲多jar果汁系房，啲waiters不停问d宾客需唔需要果汁，令到好多宾客误会系免费嘅，所以好多都有要到。我当时以为经理误会咗我地系任饮package，一问之下，原来系逐杯逐杯计紧(一杯橙汁未加一$68)，最离谱系，有个小朋友杯嘢都未饮完又再斟比佢！然后好快宾客们唔知点解知道咗呢件事，好多人都无再继续饮落去。埋单嘅时候，因为好赶时间，再加新婚嘅喜悦，即使觉得红棉咁嘅销售手法唔太讨好，本来打算由佢。但事后好多亲戚都好替我觉得唔抵，搞到大家都好唔开心，佢哋讲咗句说话：如果红棉当日攞d贵价酒出嚟咁样问d宾客，斟完再逐杯计，后果会系点？唔系比唔起钱，亦都唔系话红棉做得唔啱，只系红棉嘅手法真系有d奸。当红棉要咁样销售佢地嘅汽水果汁之前，好应该要事先通知我一声，但当然红棉无咁做，仲要明知我无买任饮package，刻意收起drink
因为近美利酒店，上个月系红棉包房搞咗场四十几人嘅婚礼宴会，因为宾客主要都系年长嘅亲戚，所以事前无订任饮package(人头$188)。
由于当日比较忙，我迟咗30分钟落到去，而宾客们都已经就座，去到嘅时候已经见到红棉摆咗劲多jar果汁系房，啲waiters不停问d宾客需唔需要果汁，令到好多宾客误会系免费嘅，所以好多都有要到。我当时以为经理误会咗我地系任饮package，一问之下，原来系逐杯逐杯计紧(一杯橙汁未加一$68)，最离谱系，有个小朋友杯嘢都未饮完又再斟比佢！然后好快宾客们唔知点解知道咗呢件事，好多人都无再继续饮落去。埋单嘅时候，因为好赶时间，再加新婚嘅喜悦，即使觉得红棉咁嘅销售手法唔太讨好，本来打算由佢。
但事后好多亲戚都好替我觉得唔抵，搞到大家都好唔开心，佢哋讲咗句说话：如果红棉当日攞d贵价酒出嚟咁样问d宾客，斟完再逐杯计，后果会系点？
唔系比唔起钱，亦都唔系话红棉做得唔啱，只系红棉嘅手法真系有d奸。
当红棉要咁样销售佢地嘅汽水果汁之前，好应该要事先通知我一声，但当然红棉无咁做，仲要明知我无买任饮package，刻意收起drink menu, 趁我唔系到，系d宾客面前营造到d果汁系免费任饮咁，手法好黑心，好似系到屈钱咁，如果唔系当时唔小心比宾客们知道咗呢件事，从而佢地无再继续叫嘢饮，后果真系不堪设想。
另一个伏位系，埋单嘅时候 无啦啦又要比多$1000酱油、前菜。
事前讲过茶芥$28位，去到埋单嘅时候，茗茶$1204，无啦啦再入多近$1000酱油前菜，事后问返点解会有呢一千蚊酱油钱，佢话餐牌有写(但劲细只字写系餐牌嘅最后一页。)但重点系，点解问佢茶芥嘅时候，唔讲埋呢d酱油、前菜收费，而净系答我茶芥28蚊？ 呢个伏位都值得分享比大家留意一下。
PS 茶芥意思系茶、酱、前菜嘅合称。
仲有其他小插曲，甜品荷花酥问都无问过就变咗木瓜酥(但我唔钟意食木瓜) ，不过呢个系小问题。
钱财事小，但食完呢餐饭，搞到有d亲戚食完又觉得唔安乐、唔开心事大，食物几好食都无用。
虽然呢个唔系一个完美嘅结局，但已经过咗去，唯有接受佢，始终可能好多新人会系美利酒店出门，再到呢到宴客，拎呢个经验出嚟分享，唔系想大家认同，只系比大家做个参考，等大家可以事前，可以问得清楚d 先再作决定。
张贴