Thai & Grill Restaurant (已結業)

女友和朋友到会展逛婚纱展，于是我便search 下openrice睇下附近有乜野好食，最后选左食友推介的JJ's。JJ's系君悦既地库，有专用的Lift到达，好有气派。餐厅隔壁系嘈吵酒吧区，不过我地坐系卡位度，情况都可以接受。餐厅装修别具一格，富有情调，而且又毫不拘束，绝对适合情侣撑台脚。头盘点左柚子虾沙律，柚子酸甜，味道清新，唔错﹗主菜点左青咖喱鸡同脆肉炒芥兰，青咖喱鸡椰浆味几重，辣中带甜，送饭一流。女友原本唔多「好」饭，但都添左一次。(白饭是任添的) 脆肉炒芥兰就冇乜特别，可以不试。甜品点左食友大力推介的忌廉椰子炖蛋和芒果糯米饭，炖蛋椰子味好香，好正，至于糯米饭是白糯米，冇咁「漏」，甜甜地都唔错，不过已经好Full了，剩低少少食唔矖。是晚卡位区只得我地一台客，所以食得好舒服。今餐花费五百蚊左右，以咁既环境同食物质素，绝对系值回票价。女友话睇阿苏节目知道呢度既厨师非常有名，之前系帮泰国皇室煮过野既，所以一直都想试。(我都系睇openrice食评先知，佢真系犀利﹗)最后不得不提就是这里的服务，如食友所说，绝对是五星级水准。诚意推介JJ's予喜欢泰国菜的朋友。