狐狸食堂

营业中

休息中

1664，扑鼻嘅花香每次只系净饮都已经系一种享受，令人十分期待一阵同各种美食嘅缱绻。酱油烧白鳝，估唔到首先嚟到嘅系我最期待嘅烧白鳝，鳝肉非常肥美，一咬落去个弹牙口感就感觉到系新鲜嘅货式，白鳝丰富嘅油脂喺烧制后倾刻爆发，简单以酱油调味经已不之得了。烧墨鱼咀，口感脆弹，会令人想叫多一串。炸软骨饺子，饺子外皮炸得香脆，连同内里嘅软骨肉馅，外脆，内更脆。4种口味免治鸡肉棒set，一份四串，由右至左分别系酱烧、柠檬盐、明太子同埋芝士味，打匀只日本蛋就开始大快朵颐，同个蛋味最夹系酱烧，其他𠮶三种味道各具特色，一定要试匀四种。山葵酱烧鸡柳，山葵味道同烧鸡柳嘅结合非常清新，特别钟意佢上面嘅洋葱同埋海量嘅葱花，令到整个食味层次更加丰富。炸鸡软骨，香酥嘅鸡软骨作为压轴嘅佐酒小食实属最好不过，食下食下香口嘢又嗌多杯啤酒，第二杯啤酒仲要系半价，认真佛心。