影片
更多
2018-04-13
1231 浏览
早两个钟订位就有得食，可能因为系闲日三点零所以无咁多人。睇返食评先知系咁难订位，好好彩。本身入到去𠮶阵舖头系无人，师傅好似唔太得闲，过咗一阵先帮我哋执枱。于是拎咗menu嗌嘢食先。因为有午市套餐，嗌咗一个10件嘅寿司盛合同一个12件嘅寿司盛合。因为无乌冬所以配葱油甘鱼手卷。佢摆咗个有四个脚嘅平面枱仔过嚟上寿司，同喺日本传统寿司店嘅做法一样。逐件逐件手握出嚟之后摆到面前。寿司饭醋味恰到好处，唔会压得太实亦唔会轻易夹得散，我手残夹开咗一旧饭，佢都顽固咁吊住跟入我个口度唔会散开。温度系微暖，比人体稍冷，所以入口好舒服，唔会好似平时机压𠮶啲咁冷冰冰，仲带到醋味，又突显到刺身嘅鲜味。饭上面嘅刺身真系好新鲜，好新鲜，好新鲜。好重要所以讲三次。佢的确系平价寿司，但我唔想讲佢嘅性价比我想讲嘅系喺香港嘅大部份寿司舖入面（不论价位）佢嘅寿司真系好高质好好食。其实早年去完日本之后，返嚟成日都揾寿司舖想重温喺日本食到嘅味，但作为穷撚，食得起嘅寿司舖内（一餐几千真系食唔起），揾极都只有失望。对我嚟讲中上价位（500或以下/人）嘅寿司舖，系食唔到好食嘅寿司，元気千両板长呢啲连锁寿司店嘅寿司更加入唔到口。但呢间舖真
本身入到去𠮶阵舖头系无人，师傅好似唔太得闲，过咗一阵先帮我哋执枱。于是拎咗menu嗌嘢食先。
因为有午市套餐，嗌咗一个10件嘅寿司盛合同一个12件嘅寿司盛合。因为无乌冬所以配葱油甘鱼手卷。
佢摆咗个有四个脚嘅平面枱仔过嚟上寿司，同喺日本传统寿司店嘅做法一样。逐件逐件手握出嚟之后摆到面前。
寿司饭醋味恰到好处，唔会压得太实亦唔会轻易夹得散，我手残夹开咗一旧饭，佢都顽固咁吊住跟入我个口度唔会散开。温度系微暖，比人体稍冷，所以入口好舒服，唔会好似平时机压𠮶啲咁冷冰冰，仲带到醋味，又突显到刺身嘅鲜味。
饭上面嘅刺身真系好新鲜，好新鲜，好新鲜。好重要所以讲三次。
佢的确系平价寿司，但我唔想讲佢嘅性价比我想讲嘅系喺香港嘅大部份寿司舖入面（不论价位）佢嘅寿司真系好高质好好食。
其实早年去完日本之后，返嚟成日都揾寿司舖想重温喺日本食到嘅味，但作为穷撚，食得起嘅寿司舖内（一餐几千真系食唔起），揾极都只有失望。对我嚟讲中上价位（500或以下/人）嘅寿司舖，系食唔到好食嘅寿司，元気千両板长呢啲连锁寿司店嘅寿司更加入唔到口。
但呢间舖真系完全勾返起我对寿司嘅喜爱，刺身同饭同醋之间个比例真系做得好好。
虽然全部寿司都好推荐，但系特别推荐甜虾（虾头啲膏好甜，甜过筑地食过嘅），海胆，白玉豚，带子
埋单唔够$300，但两个人都超级满足。
见有食评嫌啲饭暖，我真系笑而不语，去争鲜食啲饭就够哂涷。大家真系唔好因为佢平而觉得佢「好极有限」，比唔上啲贵价寿司舖，「呢个价钱嚟讲唔差」，佢真系做得好好，唔系因为佢平，系因为真系好食，希望店家一路做落去。
张贴