水月 (已結業)

家姐过几日返英国,妈妈话要食好d,话佢食过几次,我地一定会钟意。海胆吞拿鱼腩米饼,非常鲜甜海胆,睇得又食得!鲍鱼,好入味,个汁好味之余又唔太浓,都几大只。大闸蟹南瓜蓉,个样几靓,我最钟意佢啖啖肉,蟹肉好鲜味,蟹粉又好香!大闸蟹蟹肉豆羹,又系鲜甜蟹肉,可以再回味多次,完美!黑松露天使面,另外加钱叫,妈咪话一定要再食!系冷面黎,面头d黑松露碎好香,面够滑。亚热带泡泡,好得意嘅味道!主菜北海道黑毛猪,忘记影相!牛扒羊架3款主菜都好味!猪系我最钟意,惹味!羊就排第二,味道好特别,肉好嫩。牛扒好够香味,牛味好重!甜品叫姜汁 奶, 中间果球意大利雪糕好滑好香!白色一块块果d系姜味脆蛋白片,雪糕上面有块脆姜片,味道好突出,好味!全晚食得好开心,妈咪果然无介绍错!唯独系隔离枱有几位客人系咁黑口黑面闹d服务员,上左菜先话自己唔食得呢样果样,全间餐厅食客都俾你影响哂一时又闹樽装水点解要收钱,一时又闹点解要俾切饼费,其实人地餐牌都写明啦,d服务员食哂死猫真可怜。又唔知嘈住哂会影响其他人食饭