影片
更多
2021-08-31
1374 浏览
买完海鲜之后，店家比咗张卡片介绍去南记，兴记就上年食过一般，泰xx系YT睇过又麻麻，所以今次试吓南记，有人之前都话试过ok , 所以就拣咗南记。餐厅环境都算OK，冷气够冻，唔会坐得迫迫夹夹。烧鹅半只烧鹅都算合格嘅，全部多肉走肥😋 如果皮再脆啲就仲正。蒜蓉开边蒸海中虾有粉丝底，蒜蓉同啲䜴油味都好好仲带有少甜味，配埋粉丝底一齐食正啊，捞埋白饭一齐食仲正😂呢碟做得最出色。砵酒焗生蚝买𠮶阵店家话推介北海道蚝，话一盒有10几只，但最后餐厅整出嚟得返7只🙄怀疑被餐厅厨房偷食咗🤔 又贵又细只，北海道蚝($180)都系麻麻，冇美国桶蚝($120)咁大只同冇咁好食。椒盐瀬尿虾呢碟最伏，斑马濑尿虾买嘅时候好生猛嘅，但整出嚟变咗油泡咁，啲油浸到濑尿虾嘅壳嘅淋晒，啲肉又梅晒，虾膏系有啊，有啲膏仲散晒，未试过咁差。䜴汁蒸南非鲍鱼鲍鱼肥美大只，但竟然未熟，要翻蒸，结果过熟，比较可惜。䜴椒蛏子上枱嘅时候已经除咗壳，略嫌有少少🤏靭蒜蓉粉丝蒸大元贝呢个冇蒜蓉开边蒸个汁咁出色，普普通通，元贝系好食嘅，但蒸得熟咗少少。生炆班头腩呢个整得麻麻，我自己就钟意食蒸，原汁原味嘛。买海鲜个店家送咗一啲海鲜比我哋做汤料有蚬，有鱼，有濑
餐厅环境都算OK，冷气够冻，唔会坐得迫迫夹夹。
烧鹅半只
烧鹅都算合格嘅，全部多肉走肥😋 如果皮再脆啲就仲正。
烧鹅
27 浏览
1 赞好
0 留言
蒜蓉开边蒸海中虾
有粉丝底，蒜蓉同啲䜴油味都好好仲带有少甜味，配埋粉丝底一齐食正啊，捞埋白饭一齐食仲正😂呢碟做得最出色。
砵酒焗生蚝
买𠮶阵店家话推介北海道蚝，话一盒有10几只，但最后餐厅整出嚟得返7只🙄怀疑被餐厅厨房偷食咗🤔 又贵又细只，北海道蚝($180)都系麻麻，冇美国桶蚝($120)咁大只同冇咁好食。
椒盐瀬尿虾
呢碟最伏，斑马濑尿虾买嘅时候好生猛嘅，但整出嚟变咗油泡咁，啲油浸到濑尿虾嘅壳嘅淋晒，啲肉又梅晒，虾膏系有啊，有啲膏仲散晒，未试过咁差。
䜴汁蒸南非鲍鱼
鲍鱼肥美大只，但竟然未熟，要翻蒸，结果过熟，比较可惜。
䜴椒蛏子
上枱嘅时候已经除咗壳，略嫌有少少🤏靭
蒜蓉粉丝蒸大元贝
呢个冇蒜蓉开边蒸个汁咁出色，普普通通，元贝系好食嘅，但蒸得熟咗少少。
生炆班头腩
呢个整得麻麻，我自己就钟意食蒸，原汁原味嘛。
买海鲜个店家送咗一啲海鲜比我哋做汤料
有蚬，有鱼，有濑尿虾(好大只㗎)。
烧鹅，炒菜，啤酒丶汽水丶白饭连海鲜加工费大约$1600左右，本身叫咗4个白饭，但张单写咗6个，大家记得check 单喔。
张贴
