媽咪雞蛋仔

营业中

休息中

相信香港绝大部份人都食过妈咪鸡蛋仔👀 依家妈咪鸡蛋仔港九新界都有分店 味道仲越出越多🤍 前几日放饭既时候见到外卖app原来有自取优惠 又发现自己好耐无食过😌 于是就嗌咗未食过既伯爵茶朱古力味试试💖本身落完order 外卖app 显示大概20分钟后就可以攞🫣 但系唔知系咪因为放饭时间再加上香港多翻好多游客所以太多单要做 啲员工好明显手忙脚乱咁⋯😵‍💫 落单差唔多20分钟后问职员几时得 佢地话未整 然后最后我再等多半个钟先攞得 由落单到攞得系大半个钟⋯🥲🥲 铺头好细 所以收银好窄既台面同样系摆满晒所有鸡蛋仔比大家攞 成件事好混乱 可以话无系统可言🥴 如果唔催唔问 职员更加系唔会得闲理你🤧 都明白佢地已经做到无停手好辛苦 但系如果系统好啲/截下外卖app单会好啲😖✨伯爵茶朱古力鸡蛋仔💲 30 （app自取价，原价💲 36）伯爵茶朱古力味系甜味鸡蛋仔第二位～咁系咪好好味呢？👀 我上面咪讲到我等咗好耐 望住职员整我底鸡蛋仔 理应应该热辣辣吖～🔥好神奇 攞既时候少少温度都无😉 完全摊冻晒😹 好彩既系 就算冻咗鸡蛋仔都外脆内软 伯爵茶味都好出💖 朱古力分布唔算平均 但系有朱古力既位朱古力融融地好开心