影片
更多
2011-02-22
18 浏览
11月26日, 同妈妈庆生, 一家5人book咗Times Square嘅Tony Roma, 已经系一个月内第二次光顾喇, 又有个生日优惠, 所以今次再食其他菜色~::: Bread with Garlic Butter面包 :::一贯好味嘅面包配上香草牛油, 好香好好味, 外脆内软嘅面包, 唯一美中不足嘅系冻咗d, 新鲜出炉一定会更好食~::: Onion Loaf (Half) 洋葱圈 (半份) ::: $38招牌洋葱圈半份已经够晒我地5个人食, 够晒香脆惹味, 再点埋千岛酱汁味道更加突出! 洋葱同炸粉比例良好, 唔会成口都系粉, 而且又食到好清新嘅洋葱味~ 最好尽快衬热食, 因为冻咗d油凝固咗会比较油腻~::: Sonoma Salad (Half) 索诺玛沙律 (半份) ::: $62估唔到呢个沙律都几好食~ 虽然系半份但沙律菜份量都唔少, 再加上青苹果片, 核桃, 红莓干，仲有蓝芝士粒添! 全部材料都够新鲜~ 再捞埋红酒醋味道酸酸甜甜咁, 好开胃! 而再赞嘅系𠮶d炸鸡柳, 肉地嫩滑又好香口~::: St. Louis-Style Ribs (Full) 圣路易式肋排 (全份
::: Bread with Garlic Butter面包 :::
一贯好味嘅面包配上香草牛油, 好香好好味, 外脆内软嘅面包, 唯一美中不足嘅系冻咗d, 新鲜出炉一定会更好食~
::: Onion Loaf (Half) 洋葱圈 (半份) ::: $38
招牌洋葱圈半份已经够晒我地5个人食, 够晒香脆惹味, 再点埋千岛酱汁味道更加突出! 洋葱同炸粉比例良好, 唔会成口都系粉, 而且又食到好清新嘅洋葱味~ 最好尽快衬热食, 因为冻咗d油凝固咗会比较油腻~
::: Sonoma Salad (Half) 索诺玛沙律 (半份) ::: $62
估唔到呢个沙律都几好食~ 虽然系半份但沙律菜份量都唔少, 再加上青苹果片, 核桃, 红莓干，仲有蓝芝士粒添! 全部材料都够新鲜~ 再捞埋红酒醋味道酸酸甜甜咁, 好开胃! 而再赞嘅系𠮶d炸鸡柳, 肉地嫩滑又好香口~
::: St. Louis-Style Ribs (Full) 圣路易式肋排 (全份) ::: $198
上次嚟冇叫到ribs, 今次人多兼优惠有主菜买一送一当然唔会放过呢个机会~ 味道我地拣咗Carolina Honeys, 份量真系好多呀, 有足10条肋骨! 有好浓烈嘅bbq味, 真系即烤出嚟架~ Carolina Honeys有d似叉烧酱, 烧出嚟嘅肋排面头好香甜, 肉质都算几厚, 不过因为肉太厚, 酱汁唔够入味, 食到中间会有d淡… 配菜方面, 薯条刚刚炸起好香脆, 而椰菜沙律味道可以中和到ribs嘅浓味~
::: Steak Combo (Fried Shrimp) 牛扒组合 (香炸鲜虾) ::: $198
呢个免费嘅主菜真系满足晒我地嘅食肉欲! 食完ribs再食埋佢地嘅牛扒同鲜虾~ 牛扒好厚, 但系一d都唔韧, 仲好有牛味~ 唔点佢嘅酱汁都已经好够味~ 香炸鲜虾份量唔多, 亦唔算大只, 可幸肉质都够鲜, 唔会有雪藏味同霉嘅肉地, 再点埋茄汁食味道都好夹~
::: Chicken Alfredo Florentine 白汁鸡肉意大利幼面 ::: $98
上次食完风味烤鸡肉意大利幼面有dd失望… 不过今次呢个意粉就啱晒我地口味~! 白汁浓郁creamy得嚟味道适中, 仲有少少蒜味配上烟烟韧韧嘅意粉好好味~ 鸡肉都系预计中嘅鸡胸肉, 不过都唔会好嚡, 可以接受~
美中不足系呢间TR有time limit, 只系俾我地食一个钟左右就要交枱俾下一轮… 懒巴闭咁! 下次都系去番湾仔分店算~
张贴
