茶木‧台式休閒餐廳 (MOSTown)

营业中

休息中

间唔中出街食下野，都系一件赏心悦目既事。今次去左马鞍山既茶木食下午茶。无食午餐，直接食下午茶，所以叫左一份重量级既餐 C2 炸鸡排肉燥饭 加多杯珍珠奶茶。呢个餐$52，再加一。下午茶黎讲都贵架！但如果当午餐既话，价钱都差不多。珍珠奶茶好快就到，之后等多一阵份炸鸡排肉燥饭都黎埋。不错！不错！有青瓜粒拌饭，清爽清新，但另外既梅菜（？！）就咸左少少。卤蛋同肉燥都做得好正宗。炸鸡排唔肥腻，但略嫌炸皮比较松散，一叉就甩出黎。珍珠奶茶比楼下间天仁好味，好有茶香，珍珠亦好Q弹。凑住个女食野真系唔容易，想叹耐啲都难。下次试下早少少试埋佢个午餐先得。