不忘 (已結業)

今次第二次帮趁啦。第一次去食过佢嘅椰菜猪肉水饺令我一试难忘，因为今晚一个人食饭，所以去咗医肚。环境：地方细细，枱上有消毒搓手液，好细心。服务：有礼貌，我想饮茶类饮品，佢话卖晒又知我唔饮汽水，于是乎佢入厨房问完，发觉卖晒冻嘅茶类饮品，问我介唔介意唔冻嘅，我不嗜冻饮当然更好。呢方面佢哋应该要醒目啲问多两句，始终小店，赚得一蚊得一蚊。食物：今次试吓佢个煎饺，OMG! 佢只饺系半煎炸，一边脆卜卜（锦卤云吞嘅脆），一边系软，软果边可以吸醋👍🏻，佢嘅馅料当然同水饺一样，有爽口椰菜、木耳、猪肉，加上调味不浓，原汁原味，咬落有肉汁，好惊喜！总结，尖嘴有呢啲平民小店，加上食饭质素稳定，系我要单独医肚首选。