名人私房菜 (已搬遷) 新店位置

妈妈节快到 提早庆祝。平时妈咪做主妇 日日煮饭俾我们食 咁辛苦 今次决定带佢去食朋友推介既家常私房菜 慰劳一下佢的辛劳。老板预先同我们订左菜单 妈咪过目左 就照老板意思。～大白菜萝卜猪肺汤～好有妈妈煲汤既feel 妈妈话都几老火 够火喉 好清甜。汤渣分开上 配埋豉油俾我地食汤渣 好像妈妈一向既做法。猪肺好腍 又干净 差不多食晒。～凉拌芒果手撕鸡～呢个真的好好食。我们一家都好钟意。天气开始热 冷盘好适合 好大碟 有芒果 花生碎 鸡丝 葱 原来仲有粉皮 粉皮好烟韧 酱汁有少少wasabi配芝麻酱 鸡丝仲有好香麻油味 正。食到停唔到口。～蒜蓉粉丝蒸扇贝～原本系果皮蒸鲍鱼仔的 但老板话今天街市的鲍鱼都好细只 所以改左蒸扇贝。证明老细对自己的食材有要求。炒香过既蒜头 加埋索晒汁既粉丝 扇贝都唔会太细只 几鲜甜。～避风塘炒蟹～Super Yummy!!! 色香味俱全。炸蒜头辣椒干和葱的香味扑味 只肉蟹好大 蟹肉好鲜甜 肉质几嫩 好入味。真是食完想encore个种。～豉油皇海虾～老板自己调过既豉油汁炒虾碌 钟意佢虾头虾脚都剪走晒。海虾几新鲜 肉质弹牙 豉油汁微微带甜 好味。～蒸海班～蒸海班的时间