M3 Italian (已結業)

我那晚同朋友撑台脚，嚟咗呢意式餐厅，D野都几好食，唔错。环境装修几高级，可以享受下浪漫情调，慢食就系生活态度。我几钟意头盘个蟹饼，表面煎得香脆，入面D蟹肉加上带creamy馅，好有层次，上面铺上果肉，又带点清新，卖相好靓又精致。黑毛猪鞍配墨西歌汁，比牛扒好食，黑毛猪有独特的肉香味，配D酸酸地带少少辣好match。烟肉意粉个汁好浓又creamy，如果D意粉腍多少少重好食。另外烟三文鱼沙律，主要系D沙律菜够新鲜，而小吃之中单骨鸡翼腌得好入味，D黑松露薯条也好吃，小食唔错，临尾的焦糖炖蛋外型好靓，有鲜果装饰，食落蛋好滑，焦糖味好出，甜品水准好，起码呢餐比加一都值。