名人私房菜 (已搬遷) 新店位置

今晚一早约左私房菜，所以老妈子话唔煮饭，一早就去到预先book左既专人房，一家人系一间房度咁先够舒服。私房菜又点少得住家汤，红萝卜白菜猪肺汤，净睇个样已经好有住家感觉，味道清润，连阿妈都赞好咁话，至于猪肺口感滑而弹，仲有精华入晒猪肺度添。第一道菜系蒸水蛋，系用水蟹黎蒸，所以蟹既精华落晒去蛋里面，味道清而鲜甜，系海鲜既鲜味，仲有轻轻既酒味，呢阵味系花雕味道呀，估唔到花雕阵味可以辟除蟹既腥味，突显蟹既鲜味呀。跟手黎左只鸡，系用荷叶黎包住既，打开之后系成只鸡，老板帮我地切开只鸡，哗原来里面系糯米炒饭黎架，相当惹味㖞，鸡肉吸去荷叶既香，鸡肉就相当嫩滑，糯米饭粒粒分明，口感绵绵，好味。最后系南乳猪手呀，炸既煮法令猪手外皮超级香脆，加埋果层脂肪与骨胶原既混合物，虽然邪恶但系就超级补皮肤，适合晒我妈妈呀。猪手肉好有南乳味道，与猪手相当夹，令人食完一旧又想食多旧。