影片
更多
2024-06-06
45 浏览
🌟高佬面配仁当牛肋条高佬面其实系干捞面，食落近似港式瑞士汁捞公仔面，但无咁甜；仁当牛肉有淡淡椰奶香同辣味，牛肋条焖煮得好松化入味，似咖哩牛肉但娘惹版本，酱汁会杰身好多，仲有少少江鱼仔同花生口感又丰富D🌟一字骨 - 肉骨茶回味有药材香，特别当归味比较出；一字排骨足足有五大条咁多，索左汤汁唔干柴，配埋金菇、冬菇、豆卜、支竹，成煲热辣辣香味四溢好足料，饮落汤头几浓郁而且偏马来西亚风，我地好钟意😋🌟小食拼盘-咖喱酥、咖喱角、春卷、马来香蕉班戟香蕉班戟要劲力推荐，应该只系香蕉🍌加面粉，最多俾埋鸡蛋😌仅此而已，眼见好多香蕉籽，又带啲果肉加热后天然既微酸味，食落系班戟质感，但味道我好钟意❤️好想单点Encore春卷同咖哩角都系素馅料，分别包左椰菜同咖哩薯仔蓉，两款都唔辣既；咖哩酥除左薯仔仲有少少猪肉，味道又比咖哩角既香辛味再重啲🌟槟城炒棵条黑酱油带少少甜，但成碟唔会太油或太干，好有镬气。味浓而香口。最重要材料一啲都唔欺场，除左有鸡蛋、腊肠等之外，仲有新鲜花蛤，好正宗～🌟椰汁班兰冰清香班兰味同椰汁一定系最佳组合～仲有西米系入面，成杯野又唔甜🌟桔仔薄荷梳打微酸既桔仔加埋薄荷叶配上梳打水，一定解渴
🌟高佬面配仁当牛肋条
高佬面其实系干捞面，食落近似港式瑞士汁捞公仔面，但无咁甜；仁当牛肉有淡淡椰奶香同辣味，牛肋条焖煮得好松化入味，似咖哩牛肉但娘惹版本，酱汁会杰身好多，仲有少少江鱼仔同花生口感又丰富D
🌟一字骨 - 肉骨茶
回味有药材香，特别当归味比较出；一字排骨足足有五大条咁多，索左汤汁唔干柴，配埋金菇、冬菇、豆卜、支竹，成煲热辣辣香味四溢好足料，饮落汤头几浓郁而且偏马来西亚风，我地好钟意😋
🌟小食拼盘-咖喱酥、咖喱角、春卷、马来香蕉班戟
香蕉班戟要劲力推荐，应该只系香蕉🍌加面粉，最多俾埋鸡蛋😌仅此而已，眼见好多香蕉籽，又带啲果肉加热后天然既微酸味，食落系班戟质感，但味道我好钟意❤️好想单点Encore
春卷同咖哩角都系素馅料，分别包左椰菜同咖哩薯仔蓉，两款都唔辣既；咖哩酥除左薯仔仲有少少猪肉，味道又比咖哩角既香辛味再重啲
🌟槟城炒棵条
黑酱油带少少甜，但成碟唔会太油或太干，好有镬气。味浓而香口。最重要材料一啲都唔欺场，除左有鸡蛋、腊肠等之外，仲有新鲜花蛤，好正宗～
🌟椰汁班兰冰
清香班兰味同椰汁一定系最佳组合～仲有西米系入面，成杯野又唔甜
🌟桔仔薄荷梳打
微酸既桔仔加埋薄荷叶配上梳打水，一定解渴
张贴
