渝川菜館

营业中

休息中

渝川系正！呢度系逐位计既，今晚一行二人可以拣两个凉菜三个热菜，菜既份量就睇人头啦，人多会大份d，总之就实够食啦。凉菜我地叫左蒜泥白肉同葱油嫩豆腐。蒜泥白泥既蒜唔算多但好香，而肉系腩肉切片，切得够薄，不过就唔系好嫩了，垫底嘅系芽菜，呢个𩠌算不过不失啦。而葱油嫩豆腐就真系好正，豆腐当然系滑啦，葱油好多，味道较得岩岩好，唔太咸又有葱香味，亦唔会抢到豆腐既味，配合得好好。热菜方面，我地有重庆辣子鸡，睇落去好似好辣咁，食落去系好惹味，唔夹辣椒就唔会辣到飞天；鸡粒都唔算少，不过就干左dd，用嚟送啤酒一流。我就忍唔住就咁食左少少辣椒同干葱，哗！无得顶，香口得黎辣味慢慢惨出嚟，不过都真系好辣，大家量力而为。老实讲，呢个蛋黄虾就麻麻地，蛋黄虽然整整包住全只虾，不过蛋黄嘅咸味同香味就欠奉，虾既size亦都唔大。最后呢个泉水鸡系是晚高潮，佢用左大量青花椒去煮鸡柳，所以好香好麻，鸡柳嫩滑入味，搭配瓜既爽口，令人爱不释手，唔嗜辣嘅朋友就岩晒啦。