唐宮小聚 (新港中心)

营业中

休息中

嚟到唐宫小聚必定要食佢个乳鸽！每次食都系热辣辣又多汁，一食就知道佢系即刻炸起！今次仲嗌左必食嘅黑金流沙，一咬开个包，入面啲奶黄就即刻流晒出嚟，真系有流沙爆浆既效果！仲有一个最虾多士，但略嫌有少少多油。另外当日仲嗌咗一个皮蛋豆腐，因为天气好热，所以食啲冻嘅嘢会感觉凉爽啲，入面都系一啲皮蛋豆腐同埋胡麻酱捞埋一齐，豆腐切到一片片！最后仲有个荷花蒸饭，入面有鲜虾，火鸭，鸡丁同瑶柱，呢个饭嘅份量都唔少，几个人一齐分住黎食就最啱！