南島

营业中

休息中

早排屋企附近新开左呢间星马泰菜，次次经过都好多人食，今日lunch唔想煮就行左去食，全日无加一，食物质素不错，环境坐得舒服。无骨海南鸡喇沙米线海南鸡系分开碟上，份量多，海南鸡肉质嫩滑，鸡皮爽口，喇沙味道偏甜，唔算好辣，米线入口好滑。桔仔话梅水午市套餐有跟餐饮，我拣左冻桔仔话梅水，酸酸甜甜好开胃。椰香咖央多士配半熟蛋多士烘到外脆内软，入面涂满椰香咖央酱，再加一片牛油十分邪恶。招牌海南鸡饭油饭充满鸡油香味，粒粒分明，三个酱汁同鸡肉一齐食好惹味。