阿來東南亞風味 (已結業)

去完百利的美容店，华生带我去附近广华街揾食，东南亚菜绝对系我杯茶，店内系一般茶餐厅格局，胜在干净企理。好多嘢想食，两个人唔食得太多，选择困难之下......叫咗一份蒜蓉包，香脆带软又惹味。跟住系半只海南鸡，鸡皮爽口，肉质嫩滑，鸡味浓郁，好味㖞。加多个油饭俾华生，试咗一啖，又香又软。椰菜苗系必然之选，翠绿爽口，以马拉盏炒够惹味。想食猪髀又想饮冬荫公，于是就叫咗呢个粉，猪髀软滑香腍，河粉幼滑，冬荫公够香有点辣。整体食物唔错，价钱又唔贵，可以再食。