栢檔極品海南雞飯 (已結業)

放工好想食海南鸡饭，见到呢度唔洗等位又企理就入去试下喇。除咗海南鸡饭，仲有肉骨茶、喇沙同埋几款小食，价钱合理，又唔洗加一。半只栢档极品去骨海南鸡（$93）- 只鸡真系好嫩滑，配埋酸辣汁就更好惹味，一个人食半只都得！佢仲去埋骨所以食起上嚟更方便～一人套餐（$83）几掋食，包主食、油饭或白饭、生菜、饮品同雪米糍做甜品。肉骨茶好大碗㖞，排骨又多肉既腍又入味，仲有六粒豆卜，真系好掋食。而个汤浓郁得嚟仲带少少辣👍🏿，𩠌饭一流。雪米糍有红豆馅，好好味！麻辣猪耳仔（+$18）- 客饭加钱仲可有嗌小食。呢个猪耳好爽口，又唔会话超辣，好惹味。