栢檔極品海南雞飯

营业中

休息中

今晚同爸爸买外卖食，叫咗个二人餐$188 (2个老火红萝卜粟米汤，海南鸡半只，香煎鱼香肉饼，小食：香麻辣凤爪，鸡油饭两碗，雪米糍）极品海南鸡虽然只得半只，不过啖啖肉，鸡肉好滑，舖头放咗好多奖状，质素有保证，沾上新加坡甜酱油、酸辣酱同埋姜葱蓉，认真好味。香煎鱼香肉饼卖相有d似烧猪颈肉，肉饼入面加入d咸鱼，入口好惹味，煎得又香又脆，几惹味，味道有惊喜。香麻辣凤爪已去骨，得番软骨，麻辣比例啱啱好，d鳯爪食落唔会太硬，易入口，爽口，唔错。皇牌冇味精靓汤D南瓜煲到溶哂入汤里面，加埋萝卜同粟米，饮落觉得好清好甜，好易入口。唐生菜菜青绿爽口，份量都好多，仲开埋蚝油，食落都香d。鸡油饭虽然明知鸡油饭好肥，不过一开盖，香喷喷既香味冲出嚟，减肥都要食哂佢。最后食埋甜品雪米糍，又饱又满足。