民華魚蛋粉麵

营业中

休息中

今日去咗由细食到大嘅大埔民华餐厅 可能因为历史悠久心得街坊欢心 所以好多人 需要等位兼搭枱先食到 下午时间依然有早餐可以食 只系贵几蚊常餐梗系要拣炒蛋 呢度嘅炒蛋蛋味浓厚之余 炒得十分嫩滑 多士亦都系出色之作 烘得够干身之余牛油量仲好多 叫咗个姜丝牛肉通 姜味完全可以令鲜牛肉片更加香 牛肉味亦都好浓耐 通粉软硬适中 每次嚟都会叫即炸西多士 西多士好厚身 而且上面嘅牛油仲系用咗鲜牛油 咸香十足 多士蛋香味浓 而且入面仲好松软 加上炼奶非常香甜 重点系价钱唔贵