廚十三老壇酸菜魚 (太子集團中心) (已結業)

友人知我钟意食酸菜鱼，特登带我黎开餐😆嚟到餐厅环境比预期中大，装修新颖、整洁、而且空间感大、座位阔落，仲望到少少海景添😊餐厅主打系酸菜鱼，另外有凉菜、蔬菜、小食、饮品、甜品供选择。侍应端上一樽茶，味道清香, 有助去油。前菜点左个泡椒凤爪，味道颇抢、辣，凤爪肉质爽实，好味道。我哋点左个小分酸菜鱼，加咗宽粉、豆腐。酸菜鱼上枱时超大碗，味道芳香扑鼻，卖相一流。入口先麻，继而酸辣，味道丰富。炉鱼鱼块好多，件件嫩滑、无骨啖啖肉。酸菜系另一精髓，有茎有菜叶，双重味道同口感。宽粉烟韧滑啫啫，索晒个汤底又饱肚。豆腐豆味香浓，如入味d更好。甜品点左红糖冰粉，冰粉本身无咩味道，冰冰凉凉滑入口，配埋红糖水，味道清爽。除左野食好味，呢度坐位濶落，坐得舒服又唔会被催交枱，加分。