La Rotisserie (禧利街) (已結業)

成日经过都见佢啲烤鸡好靓，重几香添，今日就买个外卖返公司试试。烤鸡 1/4只、意大利饭、杂菜、自家制餐汤 - 首先当然要讲下只烤鸡，真系异常好食，肉质嫩滑又唔觉得干，层皮有少少微㶶，感觉更加香口，火喉方面真系控制得唔错。意大利饭返面，可以再多少少汁会更加好，现在虽然唔算干，但....总之多啲汁好食啲啦。而今日的餐汤系萝卜南瓜蓉汤，其实都好好饮，食材都好新鲜，但我觉得如果有少少汤渣会比较完满，意思系有未完全打蓉既甘荀同南瓜，我就会觉得 Prefect。