栢檔極品海南雞飯

营业中

休息中

忽然兴起想食海南鸡饭，就黎到呢间餐厅。海南鸡饭索价$48，配以三款酱汁，包括黑豉油，姜葱同辣酱。三款酱汁各有千秋，黑豉油令鸡肉更香甜，捞饭一流，系我最爱既一款酱汁。而辣酱带点微酸，辣度唔高，酸酸辣辣够晒开胃。而姜葱就比较失色，味道较淡，冇乜特别。鸡肉口感嫩滑，鸡皮好正，加埋酱汁味道一流～海南鸡可以选择配油饭或白饭。我胃口细叫左油饭(少饭)，饭粒呈淡黄色，唔够粒粒分明，会痴埋一旧。而且味道方面较淡，欠调味 ，冇乜油香。不过鸡肉几满意，加返分！