渝薌烤魚

营业中

休息中

最近天气严寒，日日气温都跌到单位数。天气冻呢几日就日日打边炉食鸡煲，食到都厌厌地。今日正好约咗朋友饭聚提议食烤鱼，而朋友又有间放口袋好耐嘅餐厅想食，咁我哋就约埋试试佢。餐厅位于九龙城衙前塱道，港铁宋皇台站步行一分钟左右就到，非常方便。入到餐厅眼见多数人都系食烤鱼，心谂一定好食先会咁多人叫。我哋二话不说就决定食烤鱼同串烧。泡椒味烤钳鱼（全条大） $368表面铺满色彩缤纷嘅洋葱、芫荽、泡椒、红辣椒等等。单靠视觉效果都已经令我食欲大开。钳鱼鲜味甘甜，肉质嫩滑结实又够大条，食落啖啖肉无幼骨，可以放心食用。而汤底浓郁泡椒香味，非常惹味。宽薯粉（跟烤鱼附送）食得烤鱼又点少得宽薯粉。煮熟后晶莹剔透，食落烟烟韧韧，索埋泡椒辣汤汁一齐食。简直绝配！莴笋 $42莴笋口感鲜嫩爽脆，清新开胃。清新感觉可以减少烤鱼带来的油腻感，必食！炸鱼皮 $30鱼皮炸得金黄香脆，食麻辣烤鱼必配！新鲜白鳝串 $52白鳝肉质新鲜，肥美厚身。外皮烧到脆卜卜，相当香口美味！整体餐厅评分很高。餐厅环境阔落舒适，枱与枱距离充足，好适合一大班朋友饭聚。店员服务态度好又够细心，食材新鲜款式又够多样化，唔止有烤鱼仲有辣蟹，串烧，特色小食等等。