Coffeelin (高街) (已結業)

两只百厌精去咗爷爷嫲嫲屋企玩一日，我就同老公一早去咗西环嘅呢间Coffee shop享受人生。坐低打开Menu，即刻未食先兴奋，文青感十足嘅Menu，加上精致嘅装潢，散发住青春嘅feeling，系自由嘅感觉，😂做咗妈妈之后，好耐都冇咁样叹过。咖啡☕️：我同老公都系咖啡爱好者，难得一场嚟到我哋一叫就叫左三杯一齐分享，分别系Morning call、Dirty同Misty forest。第一杯同第三杯都系冇奶嘅，而Dirty我哋就加钱转左燕麦奶。Morning call咖啡味非常浓郁，Dirty质感厚身滑溜，Misty forest就比较酸味重，非常解腻，适合搭配佢地嘅Panini一齐享受。Panini酥脆绵厚，加上中间唔会好咸嘅清新意式芝士，整个感觉饱肚中又light light地，好正。雪糕🍦：除此之外，我哋仲叫咗佢哋嘅gelato ，一绿一啡嘅Darjeeling同开心果，两者都各有千秋，前者清甜醒神，散发浓浓香甜茶香。而后者就非常独特，坚果香气中带点微咸，质感黏稠幼身，为我哋几假日午餐做一个完美落幕。