無老鍋

营业中

休息中

呢间嘢乜都想赚到尽， 定位系高级台式火锅，啲嘢食差过放题，汤底逐个位收已经唔合理， 鸳鸯锅仲要加钱， 好明显要赚到尽。座位坐唔满，定位系高级火锅但要限时， 我以为自己食紧放题，食品样样都贵，选择又少， 仲要系交黎𠮶啲普通货， 完全冇手工嘢， 但碟碟收到贵一贵，最离谱系连摆盘都唔做， 用个豉油碟仔上菜，嘢已经难食， 卖相仲要差， 真系一肚火。 店员解释点解要限时， 因为鸭血同豆腐都系无限加， 就系因为呢两样cheap嘢要限时， 作为顾客我觉得不受尊重，大佬人哋真系任叫任食𠮶啲先限时， 呢啲cheap嘢又要限时， 施舍咁款。最离谱系饮品竟然收过百蚊一 杯嘅普通嘢， 虽然我冇饮， 但竟然够胆收呢个价钱， 真系好嘢。大家真系唔好做老衬， 讲完。