孔夫子 (Club East洞天) (已結業)

呢度系食孔府菜既，但究竟系咩黎呢，我黎过两次都唔系好清楚，不过野食最紧要好味。上次黎系食晚市，今次就试下黎饮茶啦。其实点心选择唔多，不过都有部分小菜小食同粉面饭可以点，都唔错。先黎个砂锅鱼蓉炒饭，份量系有茶餐厅size咁大，炒得好干身，饭粒粒粒分明；鱼蓉咸咸地，炒埋一齐掉掉味，唔会过咸，好食啊。再黎系小食，呢个脆炸南乳肉真系世界级好食。佢系将薄薄既肥猪肉用南乳腌左，然后炸到个表好酥脆。一上枱热辣辣，咬入去唔系肥而系甘香，亦因为佢切得薄，所以一啲都唔会痴牙，似系半溶既状态，好回味。另外我地仲叫左几样点心，质素都唔错架，可以一试再试。总括黎讲，呢度坐得好舒服，空间感充足，枱与枱之间都好阔落；而且侍应都好多，态度好好；最重要系食物真系高质，值得推介。