蘇記流心燉蛋專門店

营业中

休息中

作为孕妈妈嘅我，出街食嘢都特别小心。好想食甜品，但系又惊啲嘢太高糖份。想食炖蛋，但系又惊佢煮唔熟。呢度嘅热蛋白炖鲜奶系即叫即整，师傅见到我大腹便便，好细心，知道我唔可以食流心，要全熟。食落去感觉非常良好，因为知道佢冇另外加糖，材料只有蛋白同埋奶，感觉好健康。蛋同奶有BB需要嘅营养，同时又可以满足我想食甜品嘅欲望😊整体甜品做得啱啱好，唔会太实，虽然叫咗全熟但系依然好滑，味道好香浓，感觉无添加，起码自己食得放心。