Yung Chicken Beer

营业中

休息中

母亲节到到都系孝子孝女同母亲食饭，当然我都不例外啦。不过妈妈就唔想去同人迫，近近地食餐饭就够。土瓜湾近年都开左几间韩国餐厅，但都未曾尝试过，咁岩我地经过见无咩人，环境都唔错，就决定食呢间。餐厅范围比较细，环境都有别于一般韩国餐厅，风格好似比较外国feel，灯光都比较暗，如果系一班朋友吹水都几好气氛。食物品种不算多，但主要食品都有。我同妈妈两个人就叫左半只炸鸡同泡菜煎饼，都系去韩国餐厅必食既野。叫完野食，就即时有两碟小菜送上。沙律酱椰菜就无咩特别，个人觉得换成蛋黄酱会比千岛酱更配椰菜。腌萝卜酸酸甜甜，是吃炸鸡很好的配搭，消下肉既油腻感。煎饼比平时食开既唔同，较薄身。有啲似茶楼既薄餐，但系系泡菜味。欣赏当中有八爪鱼粒粒，令口感丰富，但略嫌泡菜唔够多。一上菜以为蒜蓉变蒜头，同埋个底啲汁多到浸住炸鸡，以为会淋。点知又唔会㖞，依然保持外层脆卜卜。咬落好香蒜味，不过食食下有啲辣，外层炸粉唔算厚，但肉质有啲鞋，唔够滑身。整体中规中矩，没有惊喜。食食下听到隔离枱讲中午会抵食啲，下次揾机会试下食中午先。