影片
更多
2023-05-01
416 浏览
今日五一假期同两老行完伯公坳，13:30返入东涌谂住系东荟城食个下午茶先返屋企，商场人流唔算好爆，不过多数餐馆都有人排队，两老已经好累唔系好等得，见到哩间小馆有位，谂住最多贵啲无乜嘢，点知…两老哩排身体复元紧唔想食片皮鸭，咁我就系咁依叫咗一碟炒饭（粤）、炒面（粤）、饺子（京）、甜点（京），食方面我无咩好投诉，中高档中菜馆水准。埋单五百蚊左右无人哋俾咁多。我系14:31点餐，唔使5分钟就上咗甜点，但两老唔想空肚食冻点，想等热食先，但佢哋饿住等到14:50仍未有其他食物，隔离迟入座的外地客人都有食物，咁我就温提一下职员，职员竟然以为我要埋单…提一次之后，10分钟都系无食物来，职员又无返转头讲发生咩事，于是15:01趁同一位职员返出来同其他职员倾偈时再温提一下，佢都系话厨房做紧，咁我追问佢俾个时间我预算（因为两老本来已经饿！重要入座之后再等半个钟…），佢答我重差几分钟，之后听到佢同厨房讲「做咗XX先」，终于15:07有食物送来。不过，隔离刚刚入座（迟我哋廿分钟）的客人都有一样的食物同时送来。其他评论提到的差别待遇，我就无十足证据，亦唔系好知点解我哋要面对咁待遇，其实我哋无投诉无吵闹，但就好有
两老哩排身体复元紧唔想食片皮鸭，咁我就系咁依叫咗一碟炒饭（粤）、炒面（粤）、饺子（京）、甜点（京），食方面我无咩好投诉，中高档中菜馆水准。埋单五百蚊左右无人哋俾咁多。
我系14:31点餐，唔使5分钟就上咗甜点，但两老唔想空肚食冻点，想等热食先，但佢哋饿住等到14:50仍未有其他食物，隔离迟入座的外地客人都有食物，咁我就温提一下职员，职员竟然以为我要埋单…提一次之后，10分钟都系无食物来，职员又无返转头讲发生咩事，于是15:01趁同一位职员返出来同其他职员倾偈时再温提一下，佢都系话厨房做紧，咁我追问佢俾个时间我预算（因为两老本来已经饿！重要入座之后再等半个钟…），佢答我重差几分钟，之后听到佢同厨房讲「做咗XX先」，终于15:07有食物送来。不过，隔离刚刚入座（迟我哋廿分钟）的客人都有一样的食物同时送来。
其他评论提到的差别待遇，我就无十足证据，亦唔系好知点解我哋要面对咁待遇，其实我哋无投诉无吵闹，但就好有感受！
整个用餐体验的总结系，自己中伏算，如果连父母都一齐就唔好了，我答唔到你如果带埋父母过来会唔会成为下一个享受差别待遇的对象。
题外话/补充资料：
有一件事不得不提，我哋坐收银隔离张台，等食物上台期间个收银员竟然向住我哋咳！我无出声，无俾反应，但觉得好离谱！
(以上食记乃用户个人意见 , 并不代表OpenRice之观点。)
张贴