鼎·會館 (已結業)

妈咪生日，屋企成员当然要请妈咪食餐好既，见妈之前经常睇阿爷厨房就带佢去食下先，拣左行政午市套餐($498/位)。蟹肉金汤煲仔翅，翅同蟹肉一齐食口感好正，汤都好浓味，好好饮。烧味双并，烧肉皮超脆口，点介辣永远都系绝配。虾籽婆参扣柚皮，柚皮煲得好腍，口入即溶，海参口感弹弹下好骨胶原。上汤瑶柱浸时蔬，瑶柱共有8粒，粒粒都好大粒好厚肉。上汤芙蓉辽参白玉，每位加$180，比海参更矜贵，可能有软刺既关系，食落口感更丰富。紫晶千岛汁脆虾球，好香脆，包括伴碟既叶食落都有d似紫菜口感，千岛汁味道调较好惹味。腐竹用上上等材料，食落好滑，汤底带清淡，可中和返味蕾，作为整餐饭既结尾就最好不过。