肥媽屋

营业中

休息中

十年前已经系荃湾街边个个排队买,以往成日经过都无帮趁过,其后转去专线小巴站附近,先有机会接触,惊觉以前系土瓜湾落山道街边档口味竟然返黎.虽然太太会认为味精重又偏咸,自己又唔系成日食,都不以为然.到依家,又系因为租贵,终于搬到街市顶,要揾其实唔难,不过门面同以前一个天一个地.而各种配料亦写在残破水牌上.一如以往,猪肠,鱿鱼,猪皮及菜,与及渌到过火既幼面,放系怀旧破碟之上,即时好似时光倒流三十年.讲真,猪肠炆得够腍同入味,脂肪位尽去,鱿鱼爽口,碱水味其实去得未够清,猪皮蘸上少许蚝油,好味得多.越食到底,面条越咸,真系唔落蚝油可能仲好.