味一番

营业中

休息中

朋友系日本迷，季节限定秋刀鱼刺身点都要来试下。季节限定真系好受欢迎，问过好多餐厅终于比我地book到呢间餐厅最后一条秋刀鱼刺身...餐厅喺山林道，好易揾，店内装修都有日本feel。虽然最后一条秋刀鱼，但绝对冇另我地失望。鱼肉好新鲜，冇乜腥味，肉质都好鲜嫩，唔会一旧旧粉咁。厨师刀功了得，咁细条鱼都切得咁有水准，佩服。唔好以为食晒啲肉就算，啲骨仲有得继续食噶！可以炸食可以汤食，但侍应话汤食会腥。全部食晒佢，唔浪费！（都对得起个价钱啦）三文鱼刺身厚切，肉质鲜美，不错。明太子酿鸡翼，我真系第一次食，鸡翼入边有肉真系好特别！唔知大厨点塞落去呢？装盘都好靓，柠檬汁的酸味中和返啲甜味，口感一流。虽然价钱唔算平，但食到季节限定都系开心的。